Візіт Париарха Кірыла ў Беларусь пачаўся з сустрэчы з А. Лукашэнкам

Як паведамляе Першы канал  беларускага тэлебачання, адразу пасля прыбыцця ў Мінск Патрыярх Маскоўскі і ўсяе Русі Кірыл сустрэўся і меў гутарку з кіраўніком дзяржавы Аляксандрам Лукашэнкам.

У аэрапорце Менск-2, куды Прадстаяцель РПЦ прызямліўся на беларускім прэзідэнцкім самалёце, яго сустракалі Патрыяршы Экзарх усёй Беларусі мітрапаліт Павел, прадстаўнікі епіскапату БПЦ, а таксама некаторыя дзяржаўныя афіцыйныя асобы.

Пасля размовы з кіраўніком дзяржавы Патрыярх Кірыл усклаў вянок да манумента на Плошчы Перамогі, а затым накіраваўся ў Мінскі кафедральны сабор для сустрэчы з вернікамі.

У папярэдняй праграме візіту аб сустрэчы на вышэйшым узроўні не паведамлялася.

Сярод  асоб, якія  суправаджаюць Патрыярха - кіраўнік Аддзела Знешніх Царкоўных Сувязяў  Маскоўскага Патрыярхату мітрапаліт Валакаламскі Іларыен.