Tag Archives: экуменічны дыялог

У Ірландыі адбылася канферэнцыя Сусветнай Студэнцкай Хрысціянскай Федэрацыі

Ireland Conference

У Ірландыі 7-11 кастрычніка 2017 года адбылася канферэнцыя Сусветнай Студэнцкай Хрысціянскай Федэрацыі (WSCF). У канферэнцыі прынялі удзел прадстаўнікі 16 краінаў, у тым ліку Беларусі – Ганна Радзько і Валерыя Саўлевіч. Ганна займаецца міжнароднымі адукацыйнымі і інтэграцыйнымі праектамі, валанцёрыць на моладзевых сустрэчах Тэзэ. Валерыя займаецца багаслоўскімі даследаваннямі ў галіне міграцыі, прымае актыўны ўдзел у экуменічных адукацыйных мерапрыемствах, працавала валанцёркай у сетцы студэнтаў праграмы Эразмус.

Падчас сустрэчы ўдзельнікі і ўдзельніцы абмеркавалі тэмы інтэграцыі ўцекачоў і мігрантаў праз адукацыю, а таксама ролю царкоўных супольнасцяў у вырашэнні міграцыйнага пытання. У кожнага з удзельнікаў была магчымасць арганізаваць семінар, распавесці пра свой уласны досвед працы у сацыяльный сферы, сферы адукацыі ці з царкоўнымі супольнасцямі. Асаблівасцю канферэнцыі была таксама магчымасць пазнаёміцца з экспертамі у сферы адукацыі і даведацца, як анлайн платформы могуць дапамагчы, калі ў рэальных умовах людзі не могуць наведваць універсітэты, як дыстанцыйныя курсы могуць спрыяць інтэграцыі, як пераклады на розныя замежныя мовы і стварэнне мульцімоўнай атмасферы ў школах і універсітэтах дапамагае адапціравацца.

Адной з тэмаў было абмеркаванне ролі цэркваў у працэсах інтэграцыі. Па-першае, царква часта становіцца домам для мігрантаў, калі ў іх няма свайго дома. Калі людзі пераязджаюць на новае месца, то яны часта шукаюць прыход царквы сваёй канфесіі і, вельмі часта, культурнай традыцыі рэгіёна, з якога яны паходзяць. Царква – гэта бяспечная прастора, дзе можна атрымаць дапамогу. Гэта можа быць матэрыяльная, інфармацыйная дапамога, а таксама пастарская падтрымка, духоўная і душэўная дапамога ў цяжкія часы.Царква – гэта сетка кантактаў і ўзаемаадносін. Яна дае пачуццё прыналежнасці, магчымасць знаходзіць агульнае, нават калі на прыходзе збіраюцца людзі з вельмі розным культурным досведам. Царква і рэлігійныя суполкі маюць вялікі патэнцыял, які можа спрыяць інтэграцыі. На жаль, фактам з’яўляецца і тое, што цэрквы і суполкі ва ўмовах міграцыі могуць запаволіць інтэграцыйныя працэсы. Гэта здараецца ў тым выпадку, калі яны складаюцца выключна з людзей аднаго веравызнання ці нацыянальнасці і не імкнуцца інтэграваць уласную традыцыю ў новую культурную прастору.

Пасля канферэнцыі прайшла асамблея ERA – European Regional Assembly. Па выніках сустрэчы, студэнцкая хрысціянская асацыяцыя з Утрэхта далучылася да сеткі партнёрскіх арганізацый, за што ўсе ўдзельнікі прагаласавалі станоўча. Акрамя гэтага, была абраная новая каардынатарка праектаў — Ліна Леанавічутэ (Літва), а каардынатарам па сувязях у рэгіёне стала Луіза Кляйн (Нямеччына).

Міжрэлігійная студэнцкая канфэрэнцыя: “Будаванне мастоў паміж нашымі разнастайнасцямі” прайшла ва Уроцлаве (Польшча)

Студэнты з усёй Еўропы сабраліся ў польскім Уроцлаве  з 31 сакавiка па 6 красавіка, каб даведацца пра найлепшыя спосабы зносін з культурна ці рэлігійна “іншымі” і ўзброіцца ведамі для ўдзелу ў міжкультурным дыялозе.

Гэты тыдзень быў поўны лекцыяў, семінараў, дыскусій, ролевых гульняў і культурнага абмену. Канферэнцыя была звязаная з тэмай Генеральнай Асамблеі Сусветнай Студэнцкай Хрысціянскай Федэрацыі (WSCF): “Нас шмат. Мы адзіныя. Пасланыя будаваць Божы мір”, што адбудзецца сёлета ў сталіцы Калумбіі — Багоце.
Чытаць далей

Міжрэлігійны семінар WSCF-E у Польшчы: “Будаванне мастоў паміж нашымі разнастайсьцямі”

Сусветная студэнцкая хрысціянская федэрацыя (Еўрапейскі рэгіён) ў супрацоўніцтве з арганізацыямі “Рэлігіі за Мір” і “Еўрапейская міжрэлігійная маладзёвая суполка” запрашаюць студэнтаў і моладзь да ўдзелу ў міжрэлігійным сэмінары, які адбудзецца з 31 сакавiка па 6 красавіка ў Вроцлаве (Польшча).

Здабывайма навыкі міжкультурнага дыялогу разам!

WSCF Final - JPG
Чытаць далей

Тэматычная канферэнцыя і Еўрапейская рэгіянальная Асамблея СCХФ(Е) адбылася ў Аўстрыі

У аўстрыйскім мястэчку Санкт-Гільген, недалёка ад Зальцбургу, Аўстрыя, 6-11 кастрычніка адбылася тэматычная канферэнцыя Сусветнай Студэнцкай Хрысціянскай Федэрацыі Еўропы — ССХФ(Е) на тэму: “Нябачнае рабства: гандаль людзьмі ў Еўропе”. Канферэнцыя была спалучана з Рэгіянальнай Асамблеяй ССХФ(Е) якая прайшла акурат пасля канферэнцыі: 11-12 кастрычніка ў тым жа мястэчку. Чытаць далей

9-10 декабря в Минске прошла международная конференция на тему “Диалог между обществом и религиозными сообществами и экуменический диалог как фактор устойчивого развития, плюрализма и религиозной свободы”

Международная конференция “Диалог между обществом и религиозными сообществами и экуменический диалог как фактор устойчивого развития, плюрализма и религиозной свободы”, организованная международной организацией «Advocates Europe», международной общественной организацией «Центр изучения современной религиозности» и культурно-просветительским учреждением «Центр «Экумена», прошла в Минском международном образовательном центре им. Йоханнеса Рау 9-10 декабря 2011 г. Более 80 участников обсудили различные вопросы отношения религиозных организаций с обществом и государством, а также между собой — как их условия, методологию, задачи, контекст, так и конкретные вопросы сотрудничества, главным образом, в образовательной сфере.

Чытаць далей

Сустрэча на тэму “Святая Галія: хрысціянства ў Францыі” адбылася ў межах праекту “Царква ў разнастайнасці”

13 лістапада ў бібліятэцы Свята-Міхайлаўскага прыходу (г. Мінск, Сухарава) прайшоў французскі дзень у межах праекту “Царква ў разнастайнасці” пад назвай “Святая Галія: хрысціянства ў Францыі”. Сустрэчу зладзіў Цэнтр “Экумена” ў супрацоўніцтве з Мінскім Свята-Міхайлаўскім прыходам і Мінскім Еўрапейскім клубам. На мерапрыемстве выступілі госці з Францыі — прыёр экуменічнай супольнасці Тэзэ брат Алоіс, які расказаў пра хрысціянскае моладзевае служэнне ў Францыі і ва ўсёй Еўропе і досведе супольнасці; Данііл Струвэ з Экзархату прыходаў рускай традыцыі Ўсяленскага Патрыярхату, член рэдакцыйнай рады часопісаў Messager Orthodoxe і “Вестник РХД”, Кірыл Салагуб, старшыня слыннай арганізацыі “Рускі студэнці хрысціянскі рух”, а таксама Жульет Каган, выкладчыца французскай мовы ў Мінску — яны расказалі пра жыццё праваслаўнай Царквы ў Францыі, пра яе дух, традыцыі і праблемы, а таксама пра асаблівае служэнне ў Заходняй Еўропе. Апроч таго, з прэзентацыяй пра гісторыю Праваслаўнай Царквы ў Францыі выступіла Наталля Васілевіч. У выкананні маладзёвага хору Вісон прагучаў шэраг праваслаўных спеваў.
Чытаць далей

Запрашаем да ўдзелу: Летнік “НА ШЛЯХУ ДА БЕЛАРУСКАЙ БІБЛІІ”

Летнік перакладчыкаў
біблійных, багаслоўскіх і літургічных тэкстаў
на беларускую мову
9-17 ліпеня 2011 г., парафія Божага провіду ў Слабодцы (Віцебскай вобл., Браслаўскі р-н)

У Беларусі ўжо адбылося некалькі мерапрыемстваў кансультацыяў людзей, прыналежных да розных канфесій, якія бачаць важнасць у пашырэнні ўжывання беларускай мовы ў царкоўных асяродках, а таксама непасрэдна займаюцца перакладамі на беларускую са старажытных і сучасных моваў. Найбольш фундментальным пытаннем для гэтай працы з’яўляецца адсутнасць перакладу на беларускую мову тэксту самай галоўный для хрысціян кнігі — Бібліі. Справа ў тым, што ва ўжытку існуюць розныя варыянты тэкстаў, аднак, альбо яны зробленыя не з мовы-арыгіналу, часта з вялікай колькасцю памылак, альбо той варыянт беларускай мовы, якім карыстаўся перакладчык, не заўжды тэрміналагічна вытрыманы, часта далёка ад літаратурнага. Праблема стварэння сучаснай беларускай Бібліі — вельмі актуальная, і часта спараджае імкненне асобных аўтараў узяцца за гэтыю грандыёзную працу ў адзіночку, але ўрэшце, такая праца, хоць і мае быць ацэненая як годная, усё ж не набліжае нас да стварэння такога тэксту, які б быў прыдатным не толькі для асабістага ўжывання вернікаў, але і для навуковага і літаратурнага вывучэння.
Чытаць далей