Канферэнцыя “Свабода думкі, сумлення, рэлігіі: міжнародна-прававыя стандарты і іх імплементацыя ў нацыянальныя прававыя сістэмы еўрапейскіх дзяржаваў”

Міжнародная арганізацыя “Адвакаты Еўропы”, асветніцкая ўстанова “Цэнтр прававой трансфармацыі”, культурна-асветніцкая ўстанова “Цэнтр “Экумена” праводзяць у Менску 10 верасня 2010 г. міжнародную навукова-практычную канферэнцыю “Свабода думкі, сумлення і рэлігіі: міжнародна-прававыя стандарты і іх імплементацыя ў нацыянальныя прававыя сістэмы еўрапейскіх дзяржаваў”, у межах якой мае быць абмеркаваным наступнае кола пытанняў:
— гісторыя развіцця і класіфікацыя правоў чалавека;
— міжнародныя стандарты свабоды думкі, сумлення і рэлігіі;
— прававое рэгуляванне свабоды сумлення і веравызнання ў некаторых еўрапейскіх краінах, праваўжывальная практыка;
— асаблівасці дзяржаўна-канфесійных адносінаў;
— перспектывы развіцця і ўдасканалення рэлігійнага заканадаўства.

Да ўдзелу ў канферэнцыі запрошаныя эксперты ў пытаннях правоў чалавека, свабоды думкі, сумлення і рэлігіі краінаў Еўропы і СНД, прадстаўнікі дзяржаўных органаў Рэспублікі Беларусь (у т.л. Парламенту, адпаведных міністэрстваў і ведамстваў, судоў, муніцыпальных выканаўчых камітэтаў), рэлігійных арганізацый, дыпламатычных місіяў, міжнародных арганізацый, а таксама прадстаўнікі грамадскасці, няўрадавых арганізацый, навукоўцы, юрысты.

Сярод дакладчыкаў канферэнцыі — Прэзідэнт арганізацыі “Адвакаты Еўропы” Л. Папоў (Балгарыя), загадчык кафедры філасофіі Магілёўскага Дзяржаўнага Ўніверсітэта В. Старасценка, член Міжнароднай панэлі па арбітражы і пасярэдніцтве Сусветнай арганізацыі інтэлектуальнай уласнасці Дж. Ланглуа (Вялікабрытанія), мэнэджэр праграмы “Міжнароднае права ў праваабарончай дзейнасці” Фонду Дамоў правоў чалавека Л. Ульяшына (Нарвегія), Старшыня ўправы Навінавай службы Форуму 18 Э. Браўн (Нарвегія), прадстаўнік Alliance Defense Fund Р. Кішка (Славакія), член выканаўчага камітэту Камісіі Цэркваў па міграцыі ў Еўропе Канферэнцыі Еўрапейскіх Цэркваў К.Папеску (Чэхія), супрацоўніца Цэнтру талерантнасці пад апекай Офіса грамадскага абаронцы (Амбудсмана) М. Гаўтадзэ (Грузія), даследніца Цэнтру гісторыі рэлігіі і царквы Інстытуту Ўсеагульнай гісторыі Расейскай Акадэміі навук Н. Белякова (Расея), кіраўнік Акадэмічнага дэпартаменту права Еўрапейскага гуманітарнага ўніверсітэта А. Брэскі (Беларусь), старшыня камісіі па свабодзе сумлення Беларускага Хельсінскага камітэту В. Адзінчанка (Беларусь), старшыня праўлення міжнароднага грамадскага аб’яднання “Цэнтр вывучэння сучаснай рэлігійнасці” Н. Кутузава, дырэктар Цэнтру “Экумена” Н. Васілевіч (Беларусь), член гарадской рады г. Керава В.Хойкала (Фінляндыя), прэзідэнт Эстэрскага прававога інфармацыйнага цэнтру К.Смыслова (Расея). На канферэнцыі таксама выступяць прадстаўнікі АБСЕ, Апарата ўпаўнаважанага па справах рэлігій, рэлігійных арганізацый, эксперты — юрысты, палітолагі, сацыёлагі, міжнароднікі, прадстаўнікі акадэмічнай супольнасці і грамадскіх арганізацый.

Канферэнцыя адбудзецца 10 верасня 2010 г. па адрасе: г Мінск, пр-т газ. “Праўда”, 11 (Мінскі міжнародны адукацыйны цэнтр) з 10-00 да 18-00. Рэгістрацыя ўдзельнікаў — з 9-00 да 10-00.

Для жадаючых удзяць удзел у канферэнцыі пажадана пацвердзіць яго да 6 верасня 2010 г. па тэл. +375 297 700068 ці па e-mail: konf.svob.sovesti@gmail.com

“Годзе быць маўклівымі!” — трэнінг супраць гвалту ў сям’і разам з WSCF-E

З 25 па 30 жніўня ў Мінску на базе багаслоўскай семінарыі саюза ЕХБ (вул. Райніса, 6) адбыўся трэнінг, арганізаваны Цэнтрам “Экумена” і Сусветнай студэнцкай хрысціянскай федэрацыяй (Еўрапейскі рэгіён) у межах праграмы апошняй Lingua Franca. “Годзе быць маўклівымі!” — такую назву меў семінар, прысвечаны пераадоленню гвалту ў сям’і, ён стаў трэцім і заключным у межах кампаніі, якую праводзіла супраць гэтай грамадскай праблемы моладзевая экуменічная арганізацыя.

У семінары ўзялі ўдзел 20 гасцей з краінаў Цэнтральнай і Ўсходняй Еўропы. Трэнінг адкрыў шведскі псіхолаг Яаанус Тэозэ, былы каардынатар WSCF-E па гендэрнай праблематыцы, ён правёў уступную сесію па вызначэнні гвалту ў сям’і, расказаўшы, што можа быць яе праявамі. Цягам наступнай сесіі яго суайчынніца — багаслоў Марта Густаўсан — звярнула ўвагу ўдзельнікаў на сувязь гвалту ў сям’і з целам, з асабістай прасторай, з мовай цела. Яна зрабіла гэта праз ролевую гульню пра межы асабістай прасторы і іх парушэнне.
Чытаць далей

Семінар “Еўрапейскі дыялог: дзяржава, грамадства і цэрквы ў Беларусі”

Цэнтр “Экумена” разам з Берлінскай Пратэстанцкай Акадэміяй (Evangelische Academie zu Berlin) і Сеткай інфармацыі па Ўсходняй Еўропе n-ost (Network for Reporting on Estern Europe) ладзілі19-28 сакавіка ў Беларусі семінар “Еўрапейскі дыялог: дзяржава, грамадства і цэрквы ў Беларусі”, удзел у якім прынялі грамадскія і рэлігійныя актывісты і журналісты з Беларусі, Польшчы, Нямеччыны, Нідэрландаў, Францыі, Гішпаніі. Цягам тыдня, праведзенага разам, удзельнікі сустракаліся з прадстаўнікамі дзяржаўных органаў, няўрадавых арганізацый, палітычных партыяў, з журналістамі, рэлігійнымі дзеячамі, навукоўцамі, аналітыкамі, творчымі асобамі, прадстаўнікамі дыпламатычных місіяў у Беларусі; наведвалі розныя імпрэзы і мерапрыемствы, цікавыя месцы.
Чытаць далей

Ірландскі дзень у межах праекту “Царква ў разнастайнасці”

27 сакавіка ў бібліятэцы Свята-Міхайлаўскага прыходу (г. Мінск, Сухарава) прайшоў дзень, прысвечаны Царкве на Смарагдавым востраве — у Ірландыі: “Пачуйце мяне, астравы, і слухайце мяне, народы дальнія” (Іс. 49:1). У часе сустрэчы прагучаў шэраг дакладаў, прысвечаны розным аспектам хрысціянства ў Ірландыі. Першы выступоўцы — Алесь Спіцын — расказаў пра гісторыю кельцкай Царквы і яе станаўленні да Вялікага расколу; на гэтую ж тэму быў даклад госці з Ірландыі Кацярыны Наліўкі — “Ад Патрыка да Малахіі: своеасаблівасьці царкоўнага жыцця ў Ірландыі ад хрысціянізацыі да прыходу нарманаў”.
Чытаць далей

Канцэрт хрысціянскай песні “Шчасны народ, у якога Госпад ёсць Бог” на выставе “Вербны кірмаш”

26 сакавіка Цэнтр “Экумена” і прыход св. Архангела Міхаіла (Сухарава, Мінск) правялі на праваслаўнай выставе “Вербны кірмаш” у Палацы мастацтваў канцэрт хрысціянскай музыкі “Шчасны народ, у якога Госпад ёсць Бог”, прысвечаны 100-годдзю з дня нараджэння слыннай беларускай паэткі і дзяячкі, праваслаўнай верніцы Ларысы Геніюш.

На канцэрце выступілі барды Андрэй Мельнікаў, Таццяна Беланогая, Раман Абрамчук, Сяргей Талстой, Анатоль Кудласевіч, а таксама Дар’я Кадамская з гуртом “Охра”.


Чытаць далей

6 лютага Цэнтр “Экумена” правёў Фінскі дзень у межах праекту “Царква ў разнастайнасці”

SUOMEN KRISTUKSEN KIRKKO
Дзень Царквы ў Фінляндыі “І канцоў свету сягаюць словы іх” (Пс.19:4): Царква за краем зямлі: ФІНЛЯНДЫЯ І КАРЭЛІЯ” адбыўся ў бібліятэцы прыходу св. Архангела Міхаіла (Сухарава, Мінск) 6 лютага – у дзень св. шч. Ксеніі Пецярбургскай. Сустрэчу арганізавалі Цэнтр “Экумена” пра падтрымцы прыходу св. Архангела Міхаіла, пры ўдзеле Праваслаўнай моладзевай Асацыяціі ў Фінляндыі.
Чытаць далей

Круглы стол “Сацыяльныя нормы і сацыяльная этыка ва Ўсходняй Еўропе”

22-23 студзеня ў БІП — Інстытут правазнаўства адбыўся круглы стол “Сацыяльныя нормы і сацыяльная этыка ва Ўсходняй Еўропе”, арганізаваны БІП, Цэнтрам “Экумена”, Дэпартаментам права ЕГУ, часопіс даследавання ўсходне-еўрапейскага памежжа “Перекрёстки” і Фондам Конрада Адэнаўэра.

Праблематыка чытанняў:

1. Крыніцы сацыяльнай этыкі. Трансфармацыя структуры сацыяльнай этыкі ва Ўсходняй Еўропе. Этычная думка Ўсходняй Еўропы ў ХХI ст.

2. Узаемадзеянне нормаў сацыяльнай этыкі і іншых нарматыўных сістэмаў. Прававая культура і сацыяльная этыка. Узаемаадносіны індывідуальнай і сацыяльнай этыкі. Выкарыстанне сацыяльнага капіталу ва Ўсходняй Еўропею Давер у грамадствах Усходняй Еўропы.

3. Уздзеянне сацыяльнай этыкі на сферу грамадскіх камунікацыяў. Сувязь сацыяльнай этыкі і палітыкі СМІ. Этыка гаспадарчай дзейнасці ва Ўсходняй Еўропе. Этычныя пытанні палітычнага працэсу. Асаблівасці станаўлення грамадзянскай супольнасці ва Ўсходняй Еўропе. Праблемы дэкрыміналізацыі грамадстваў Усходняй Еўропы.
Чытаць далей

 Культурна-асветніцкая установа