Category Archives: Анонсы

Анонсы

Цэнтр “Экумена” запрашае аўтараў да ўдзелу ў багаслоўскім часопісе “Збожжа”

Цэнтр “Экумена” запрашае аўтараў да ўдзелу ў публікацыі ў беларускім часопісе міждысціплінарных і міжканфесійных даследаванняў хрысціянства “Збожжа” (Zbožža). Першы нумар будзе прысвечаны тэме Ecclesia semper reformanda est: Царква, рэформы і Рэфармацыя. Да друку прымаюцца даследніцкія артыкулы, а таксама эсэ.

Першы нумар часопіса працягне развагі тэматычнай секцыі VII Міжнароднага кангрэсу даследчыкаў Беларусі, які прайшоў 15-17 верасня 2017 года ў Варшаве. У 2017 годзе адзначалася 500-годдзе Рэфармацыі, якая не толькі стала пачаткам утварэння новых хрысціянскіх канфесій з асаблівым багаслоўем, сацыяльна-палітычнай пазіцыяй і ладам жыцця, але таксама істотна паўплывала і на Рымскую, і на Усходнія цэрквы. Дыялог, супрацьстаянне і ўзаемны ўплыў розных канфесій у Беларусі сфармавалі асаблівы канфесійны профіль, як у гістарычнай перспектыве, так і ў сучаснасці. Нумар будзе прысвечаны развагам аб ролі Рэфармацыі для Беларусі і беларускага хрысціянства, аб асаблівасцях беларускага пратэстантызму, ягонай грамадскай і палітычнай ролі, актуальным стане і перспектывах развіцця. Апроч таго, яшчэ дзве нагоды: 100-годдзе з пачатку Сабору Рускай Царквы 1917-1918 года, які стаў прыкладам інтэнсіўнай рэфлексіі аб рэформах, неабходных у рускім і сусветным праваслаўі, а таксама 55-годдзе з адкрыцця Другога Ватыканскага Сабору, які адкрыў новую эпоху ў жыцці Каталіцкай Царквы, — гэта нагода паразважаць аб Рэфармацыі ў больш шырокім міжканфесійным кантэксце. Якія рэформы неабходныя сёння ў багаслоўі, літургіі, сацыяльнай пазіцыі цэркваў, іх адміністратыўнай структуры, самаразуменні, а таксама ў ладзе, мове, дыскурсе, мадэлях узамеадносінаў з грамадствам, у этыцы і эстэтыцы? На якой падставе і якім чынам праводзіць гэтыя рэформы? Хто з’яўляецца суб’ектам рэформ? Якія крытэры ацэнкі эфектыўнасці рэформ? Што з’яўляецца асноўнымі першакодамі на шляху рэформ? Якая можа быць роля акадэміі, грамадзянскай супольнасці і экуменічнага супрацоўніцтва ў гэтым працэсе? Ці патрэбна рэформам свая ідэалогія? Ці можам мы наогул казаць у хрысціянскім кантэксце пра рэформы як пра нешта пазітыўнае? Якія пераўтварэнні адбываліся ў царкве цягам ейнага развіцця, як яны абгрунтоўваліся і асэнсоўваліся?

Пра часопіс

Часопіс быў заснаваны ЦэнтрамЭкумена ў супрацоўніцтве з Сеткай беларускаіх багасловаў і царкоўных дзеячаў у замежжы і Беларускім інстытутам стратэгічных даследаванняў (BISS). Ідэя часопіса ўзнікала падчас правядзення Першай працоўнай сустрэчы беларускіх тэолагаў і царкоўных служыцеляў у замежжы, якая прайшла з 2 па 4 чэрвеня 2017 года ў Цюбінгене, Германія. Канцэпцыя першага нумару была распрацаваная падчас правядзення багаслоўскай тэматычнай секцыі VII Міжнароднага кангрэсу даследчыкаў Беларусі, якая адбылася з 15 па 17 верасня 2017 года ў Варшаве, Польшча. Часопіс мае з’яднаць тых, хто займаецца даследаваннямі хрысціянства, багаслоўскай думкі і царквы ў Беларусі, а таксама тых багасловаў, якія маюць беларускае паходжанне, але жывуць і працуюць у замежжы.

У выдавецкую раду часопіса, якую ўзначаліла дырэктар Цэнтра “Экумена” Наталля Васілевіч, увайшлі акадэмічныя валанцёры Цэнтра “Экумена” Наталля Гарковіч, Раіса Зянюк і святар Аляксандр Шрамко, а таксама Пётр Рудкоўскі, акадэмічны дырэктар Беларускага інстытута стратэгічных даследаванняў (BISS). Навуковая рада часопіса аб’ядноўвае вядомых навукоўцаў і багасловаў, які звязаны з Беларуссю — паходжаннем ці тэматыкай даследаванняў. Сярод іх: Пётр Буценеў, Алег Брэскі, іераманах Іаан (Булыка), Яўгенія Даніловіч, Аляксандр Дуброўскі, Раіса Зянюк, Надзея Кіцэнка, Алена Лянкевіч, Пётр Рудкоўскі, святар Міхаіл Самкоў, Вольга Сытая. Выпускаючы рэдактар першага нумару — навуковая супрацоўніца Інстытута гісторыі Нацыянальнай акадэміі навук Беларусі, кандыдат гістарычных навук Раіса Зянюк.

Дэдлайн падачы матэрыялаў: 28 лютага 2018 года.

Артыкулы дасылаюцца на наступны адрас: zbozza.by@gmail.com У тэме ліста пазначайце: Zbozza Reformation

Афармленне рукапісу, часопіс “Збожжа”

Да друку прымаюцца артыкулы і матэрыялы па тэме нумару памерам ад 1500 да 6000 словаў (ад 10000 да 40000 знакаў з прабеламі) на беларускай, рускай, ангельскай, польскай, нямецкай, фанцузскай мовай.

Кожны артыкул апроч тэкста павінен мець назву; звесткі пра аўтара; анатацыю (да 200 словаў); ключавыя словы — на беларускай, англійскай і арыгінальнай мове артыкула; бібліяграфію з пералічэннем усіх згаданых у артыкуле крыніц. Бібліяграфія размяшчаецца ў канцы артыкула пад загалоўкам “Бібліяграфія / References” са спісам, які ў алфавітным парадку ўтрымлівае спасылкі на крыніцы. Калі артыкул публікуецца на мове з лацінскай графікай, то спіс крыніц сартыруецца паводле лацінскага алфавіту, а кірылічныя крыніцы, ці крыніцы ў іншай графіцы транслітэруюцца па-лацінску (у дужках даюцца арыгінальныя назвы). Калі артыкул публікуецца на мове з кірылічнай графікай, то спачатку ідуць спасылкі на крыніцы ў кірылічнай графіцы, размешчаны ў парадку беларускага/рускага алфавіту, і праз інтэрвал – крыніцы на мовах з лацінскай графікай і транслітэраваныя некірылічныя і нелацінскія крыніцы (у дужках даюцца арыгінальныя назвы) – у парадку лацінскага алфавіту.

Загаловак выраўніваецца па цэнтры, пасля друкуецца імя і прозвішча аўтара, навуковая ступень, пазначэнне акадэмічнага статуса, мясцовасць і іншая важная інфармацыя. Памер 2–3 сказы. Далей друкуюцца ключавыя словы, анатацыя, тэкст артыкула і бібліграфія, якія выраўнівацца па абодвух баках.

Арыткул падаецца ў наступных шрыфтах Times New Roman, Georgia ці Palatino. Інтэрвал – адзінкавы. Кожны абзац пачынаецца з чырвонага радка. Памер асноўнага тэкста – 12, памер зносак і вялікіх цытат — 11.

Спасылкі і цытаты

Усе спасылкі і цытаты павінны афармляцца старонкавымі зноскамі (унізе старонкі), мець скразны характар нумарацыі. Фразы, якія цытуюцца павінны быць вылучаны курсівам і ўзяты ў двухкоссі. Цытаты памерам больш за тры радкі афармляюцца вынясеннем іх у асобны параграф з водступам і больш дробным шрыфтам. Спасылкі афармляюцца оксфардскім стылем: http://oxfordjournals.org/our_journals/ojlr/for_authors/

Аўтарскае права

Падаючы артыкул на публікацыю ў часопіс, аўтар прымае на сябе адказназнасць за любыя парушэнні, звязаныя з аўтарскім правам пры публікацыі такога артыкула. Пасля публікацыі артыкула аўтар атрымлівае копію свайго артыкула ў фармаце pdf і можа размяшчаць яго ў інтэрнэце менавіта ў такім выглядзе, са спасылкай на часопіс “Збожжа”. Пры перапублікацыі арыгінальнага артыкула, яго частак як на той мове, на якой ён быў апублікаваны ў часопісе “Збожжа”, так і ў перакладзе, павінна быць пазначана, што часопіс “Збожжа” з’яўляецца месцам першай публікацыі.

Рэцэнзаванне артыкулаў

Усе артыкулы праходзяць двойчы сляпое (ананімнае) рэцэнзаванне. Рэцэнзентамі могуць быць як сябры навуковай рады, так і знешнія эксперты.

Міжнародны кангрэс даследнікаў Беларусі і Цэнтр “Экумена” запрашаюць да ўдзелу ў секцыі “Ecclesia semper reformanda est: Царква, рэформы і Рэфармацыя”

congressАргкамітэт Міжнароднага Кангрэса даследчыкаў Беларусі абвяшчае збор індывідуальных заявак для ўдзелу ў VII Кангрэсе, які адбудзецца 15-17 верасня 2017 года ў г. Варшава (Польшча).

У межах Кангрэсу пройдзе традыцыйная секцыя, прысвечаная тэалогіі і гісторыі Царквы. У 2017 годзе для секцыі была абраная тэма “Ecclesia semper reformanda est: Царква, рэформы і Рэфармацыя”. Каардынатар секцыі — тэолаг Наталля Васілевіч.

У 2017 годзе адзначаецца 500-годдзе Рэфармацыі, якая не толькі стала пачаткам утварэння новых хрысціянскіх канфесій з асаблівым багаслоўем, сацыяльна-палітычнай пазіцыяй і ладам жыцця, але таксама істотна паўплывала і на Рымскую, і на Усходнія цэрквы. Дыялог, супрацьстаянне і ўзаемны ўплыў розных канфесій у Беларусі сфармавалі асаблівы канфесійны профіль, як у гістарычнай перспектыве, так і ў сучаснасці. Міжканфесійная і міждысцыплінарная секцыя засяроддзіцца на развагах аб ролі Рэфармацыі для Беларусі і беларускага хрысціянства, аб асаблівасцях беларускага пратэстантызму, ягонай грамадскай і палітычнай ролі, актуальным стане і перспектывах развіцця. Апроч таго, яшчэ дзве нагоды: 100-годдзе з пачатку Сабору Рускай Царквы 1917-1918 года, які і стаў прыкладам інтэнсіўнай рэфлексіі аб рэформах, неабходных у русскім і сусветным праваслаўі, а таксама 55-годдзе з адкрыцця Другога Ватыканскага Сабору, які адкрыў новую эпоху ў жыцці Каталіцкай Царквы, — гэта нагода паразважаць аб Рэфармацыі ў больш шырокім міжканфесійным кантэксце. Якія рэформы неабходныя сёння ў багаслоўі, літургіі, сацыяльнай і пазіцыі цэркваў, іх адміністратыўнай структуры, іх самаразуменні? На якой падставе і якім чынам праводзіць гэтыя рэформы? Якая можа быць роля акадэміі, грамадзянскай супольнасці і экуменічнага супрацоўніц у гэтым працэсе? Ці можам мы наогул казаць у хрысціянскім кантэксце пра рэформы як пра нешта пазітыўнае?

 

Прыняць удзел у Кангрэса можна ў якасці выступоўцы (для гэтага трэба прадставіць тэзісы памерам 2-4 тыс. знакаў) ці госця без даклада.  Можна таксама падаць заяўку на арганізацыю прэзентацыі навуковых, культурных, выдавецкіх праектаў, выставаў і г.д. Арганізацыйны камітэт вітае ўдзел у Кангрэсе журналістаў і прадстаўнікоў СМІ.

Падаць заяўку можна тут. Даклады прымаюцца на беларускай, рускай, украінскай, польскай і ангельскай мовах.

Дэдлайн падачы заявак — 10 мая 2017 года.

Кангрэс з’яўляецца самай прадстаўнічай беларускай штогадовай акадэмічнай і экспертнай падзеяй, у працы якога прымаюць удзел усе асноўныя інтэлектуальныя цэнтры даследавання грамадства, палітыкі  і культуры Беларусі. Акрамя гэтага, правядзенне Кангрэса ‘яўляецца выдатнай магчымасцю для распрацоўкі новых жыццяздольных даследчых і грамадскіх праектаў, абмену думкамі і ідэямі, усталявання нефармальных кантактаў з прадстаўнікамі экспертных і акадэмічных супольнасцяў Беларусі і другіх краін.  

Місія Кангрэса – развіццё супольнасці навукоўцаў, аналітыкаў і экспертаў, а таксама спрыянне больш глыбокаму разуменню Беларусі ў акадэмічных асяродках краіны, рэгіёну і свету.

Першыя шэсць кангрэсаў прайшлі ў г. Коўна (Літва), з 2017 году месцам правядзення Кангрэсу абраная Варшава (Польшча). Пачынаючы з 2011 года Цэнтр “Экумена” ўдзельнічае ў арганізацыі багаслоўскай тэматычнай панэлі кангрэсу. 

 

ПРЭЗЕНТАЦЫЯ БЕЛАРУСКАГА ПЕРАКЛАДУ КНІГІ “ЯК НАВУЧЫЦЦА МАЛІТВЕ” МІТРАПАЛІТА АНТОНІЯ СУРАЖСКАГА

vokladka_granatУ нядзелю 12 лютага а 10-30 у Свята-Міхайлаўскім прыходзе па адрасе: Мінск, вул. Янкоўскага, 2 (Сухарава) адбудзецца прэзентацыя кнігі “Як навучыцца малітве” Мітрапаліта Антонія Суражскага ў перакладзе на беларускую мову. Прэзентацыя адбудзецца пасля заканчэння Боскай літургіі на беларускай мове. Пачатак літургіі а 9-00 у царкве ў гонар св. Ксеніі Пецярбугскай.
Чытаць далей

International Congress of Belarusian Studies and Centre Ecumena invite to participate in the thematic panel “Church Councils: context, authority, polemics, reception”

congressOrganising Committee of the International Congress of Belarusian Studies announces a call for individual applications for the 6th Congress, which will take place on 6-9 October 2016 in Kaunas, Lithuania.

Traditional panel on theology and history of church will take place in the framework of the Congress. In 2016 it will be dedicated to the following topic: “Church Councils: context, authority, polemics, reception”. Coordinators of the panel: Natallia Vasilevich, Dzmitry Shyla.

Description of the panel:

June 2016 is marked by the convention of the Holy and Great Synod of the Orthodox Church, which shall gather representative of all local Orthodox Churches all around the globe to discuss issues of inter-ecclesiastic life as well as the role of the Church in the contemporary world. This historic event has been preparing for almost a century, and Belarusian hierarchs and theologians also took part in pre-conciliar process (for example, Bishop Aliaksei of Hrodna (Hramadzki), archpriest Vital Baravoi, Metropolitans of Minsk Nikodim and Filaret). Another Synod to be in focus in 2016 is so called Lviv Synod of 1946, which has abolished Ukrainian Greek-Catholic Church unifying it with the Russian Orthodox Church. These two important dates were selected as focus-points to reflect on the role of synods and synodality or conciliarity in the Church’s life. In particularly, the interdisciplinary and inter-confessional section of the Congress will deal with the following issues: history of synods, their agenda, ideas and documents; geopolitical, socio-political, ecumenical and inter-Orthodox context of the synods; reception of the synods and their decision for the Church in general and Belarusian Churches in particular.

You can participate in the Congress as a speaker (in this case you need to submit an abstract of your paper 2-4 thousand characters long) or a guest without a paper. You can also apply for presentation of academic and cultural projects, publications, exhibitions etc. Journalists and media representatives are encouraged to participate in the event.

Please follow the link to choose a registration form.

Application deadline is 20 May 2016.

The congress is the most representative annual academic and expert event of Belarus. It gathers all main intellectual centres, which study Belarusian politics, society and culture. Besides, the congress presents a fine opportunity to develop new viable research and civil projects, exchange opinions and ideas, establish informal contacts with experts and academics from Belarus and other countries.

Mission of the Congress is to develop a community of scholars, analysts and experts, and to promote a deeper understanding of Belarus in academic and civil communities of the country, region and world.

Information in Belarusian language.

Міжнародны Кангрэс даследнікаў Беларусі і Цэнтр “Экумена” запрашаюць да ўдзелу ў секцыі “Царкоўныя Саборы: кантэкст, аўтарытэт, палеміка, рэцэпцыя”

congressАргкамітэт Міжнароднага Кангрэса даследчыкаў Беларусі абвяшчае збор індывідуальных заявак для ўдзелу ў VI Кангрэсе, які адбудзецца 6-9 кастрычніка 2016 года ў г. Коўна (Літва).

У межах Кангрэсу пройдзе традыцыйная секцыя, прысвечаная тэалогіі і гісторыі Царквы. У 2016 годзе для секцыі была абраная тэма “Царкоўныя Саборы: кантэкст, аўтарытэт, палеміка, рэцэпцыя”. Каардынатарамі секцыі выступаюць Наталля Васілевіч і Дзмітры Шыла.

Апісанне тэматычных блокаў секцыі:

У чэрвені 2016 года пройдзе Святы і Вялікі Сабор Праваслаўнай Царквы, які мае сабраць прадстаўнікоў усіх праваслаўных цэркваў свету для абмеракавання пытанняў унутрыцаркоўнага жыцця і ролі царквы ў сучасным грамадстве. Працэс падрыхтоўкі да гэтай эпахальнай для жыцця праваслаўнай царквы падзеі расцягнуўся на цэлае стагоддзе. У перадсаборным працэсе ў свой час прымалі ўдзел і беларускія праваслаўныя іерархі і багасловы (напрыклад, Гарадзенскі епіскап Аляксей Грамадскі, прот. Віталь Баравой, Мітрапаліты Мінскія і Беларускія Нікадзім і Філарэт). Таксама ў 2016 годзе спаўняецца 70 гадоў з правядзення так званага Львоўскага сабору — на якім была ліквідаваная Украінская Грэка-Каталіцкая Царква, прымусова далучаная да Рускай Праваслаўнай Царквы. Гэтыя дзве даты — нагода паразважаць пра ролю сабораў і саборнасці ў жыцці цэркваў. На міждысцыплінарнай і міжканфесійнай секцыі прапануецца разгледзіць наступныя пытанні: гісторыя падрыхтоўкі сабораў, іх тэмаў і дакументаў; геапалітычны, сацыяльна-палітычны, экуменічны і міжправаслаўны кантэкст сабораў, актуальнасць сабораў і яго рашэнняў для Царквы ў цэлым і Беларускіх Цэркваў ў прыватнасці. 

Прыняць удзел у Кангрэса можна ў якасці выступоўцы (для гэтага трэба прадставіць тэзісы памерам 2-4 тыс. знакаў) ці госця без даклада.  Можна таксама падаць заяўку на арганізацыю прэзентацыі навуковых, культурных, выдавецкіх праектаў, выставаў і г.д. Арганізацыйны камітэт вітае ўдзел у Кангрэсе журналістаў і прадстаўнікоў СМІ.

Падаць заяўку можна тут.

Дэдлайн падачы заявак — 20 мая 2016 года.

Кангрэс з’яўляецца самай прадстаўнічай беларускай штогадовай акадэмічнай і экспертнай падзеяй, у працы якога прымаюць удзел усе асноўныя інтэлектуальныя цэнтры даследавання грамадства, палітыкі  і культуры Беларусі. Акрамя гэтага, правядзенне Кангрэса ‘яўляецца выдатнай магчымасцю для распрацоўкі новых жыццяздольных даследчых і грамадскіх праектаў, абмену думкамі і ідэямі, усталявання нефармальных кантактаў з прадстаўнікамі экспертных і акадэмічных супольнасцяў Беларусі і другіх краін.  

Місія Кангрэса – развіццё супольнасці навукоўцаў, аналітыкаў і экспертаў, а таксама спрыянне больш глыбокаму разуменню Беларусі ў акадэмічных асяродках краіны, рэгіёну і свету. 

Інфармацыя пра секцыю на ангельскай мове.

International Congress of Belarusian Studies and Centre Ecumena invite to participate in the thematic panel “Churches in wars and wars in churches: ideas, history, everyday life”

congressOrganising Committee of the International Congress of Belarusian Studies announces a call for individual applications for the 5th Congress, which will take place on 2-4 October 2015 in Kaunas, Lithuania.

Traditional panel on theology and history of church will take place in the framework of the Congress. In 2015 it will be dedicated to the following topic: “Churches in wars and wars in churches: ideas, history, everyday life”. Coordinators of the panel: Natallia Vasilevich, Nadezhda Beliakova.

Description of the panel:

Numerous armed conflicts are happening under the flag of religion. Religion as a source of potential conflicts in the post-ideological world is well presented by the clash of the civilisations theories. Churches find themselves in the conflicts of different natures: wars with or without direct military actions, cultural wars or ideological wars between civilisations. Thus, they comprehend their place and role in these conflicts. By choosing strategies of action, they identify themselves with one of the conflict parties along different division lines such as “victim – aggressor”, “us – the others” or “war – peace”.

Rhetoric and images of war, fighting and warriors are involved in the theological thought and even become an identity basis. The choice, one which the churches have settled in the situation of war, could be later regarded as a significant point in their theology.

Military images are deeply implanted in the church tradition and Christian texts: in the Bible, ascetic and liturgical works.

The interdisciplinary section will gather theologians, historians, philosophers, literature scholars, political scientists, and jurists. It will touch upon a wide range of issues, connected to theological reflections on war and peace in general, the influence of war on the self-identification of churches, studies on the role of church and Christians in historical conflicts, and mythology of war.

The focus will address narratives of inter-denominational conflicts, church and state conflicts in Central and Eastern Europe, the involvement of churches in the World War II and the Cold War, religion and its instrumentalisation in the Ukrainian conflict, conceptualisation and policies of memories about wars; social teachings of churches on the subject of war and peace.

You can participate in the Congress as a speaker (in this case you need to submit an abstract of your paper 2-4 thousand characters long) or a guest without a paper. You can also apply for presentation of academic and cultural projects, publications, exhibitions etc. Journalists and media representatives are encouraged to participate in the event.

Please follow the link to choose a registration form.

Application deadline is 18 May 2015.

The congress is the most representative annual academic and expert event of Belarus. It gathers all main intellectual centres, which study Belarusian politics, society and culture. Besides, the congress presents a fine opportunity to develop new viable research and civil projects, exchange opinions and ideas, establish informal contacts with experts and academics from Belarus and other countries.

Mission of the Congress is to develop a community of scholars, analysts and experts, and to promote a deeper understanding of Belarus in academic and civil communities of the country, region and world.

Information in Belarusian language.

Міжнародны Кангрэс даследнікаў Беларусі і Цэнтр “Экумена” запрашаюць да ўдзелу ў секцыі “Цэрквы ў войнах і войны ў цэрквах: ідэі, гісторыя, паўсядзённасць”

congressАргкамітэт Міжнароднага Кангрэса даследчыкаў Беларусі абвяшчае збор індывідуальных заявак для ўдзелу ў V Кангрэсе, які адбудзецца 2-4 кастрычніка 2015 года ў г. Коўна (Літва).

У межах Кангрэсу пройдзе традыцыйная секцыя, прысвечаная тэалогіі і гісторыі Царквы. У 2015 годзе для секцыі была абраная тэма “Цэрквы ў войнах і войны ў цэрквах: ідэі, гісторыя, паўсядзённасць”. Каардынатарамі секцыі выступаюць Наталля Васілевіч і Надзея Белякова.

Апісанне тэматычных блокаў секцыі:

Многія ўзброеныя канфлікты адбываюцца пад сцягам рэлігіі. Канцэпцыя сутыкнення цывілізацый пастулюе патэнцыйную канфліктагенасць рэлігіі ў пост-ідэалагічным свеце. Цэрквы, якія знаходзяцца ўнутры вайны — ці гэта вайна «гарачая», ці «халодная», ці культурная, ці цывілізацыйная — асэнсоўваюць сваё месца і ролю ў канфліктах, выбіраюць стратэгію паводзінаў, атаясамліваюць сябе з адным з бакоў канфлікта па лініі «ахвяра-агрэсар», «свае-чужыя» альбо «вайна-мір». Рыторыка і вобразы вайны, барацьбы, ваяроў — пранікаюць у тэалогію, становяцца падмуркам ідэнтычнасці, выбар, які робяць цэрквы ў сітуацыі вайны, становіцца значным, а часам і паваротным момантам у іх тэалогіі.Пры гэтым “ваенныя” вобразы глыбока ўкаранёныя ў царкоўнай традыцыі і ў хрысціянскіх тэкстах: у Бібліі, у а аскетычных і літургічных творах.Міждысцыплінарная секцыя збярэ багасловаў, гісторыкаў, філосафаў, літаратуразнаўцаў, палітолагаў, сацыёлагаў, юрыстаў і закране шырокае кола пытанняў, звязаных з тэалагічным асэнсаваннем вайны і міру ў цэлым, з уплывам войнаў на самавызначэнне цэркваў, даследаваннем ролі цэркваў і асобных іх прадстаўнікоў у гістарычных канфліктах, а таксама з іх пэўнымі міфалагізаванымі вобразамі.Найперш, фокусам секцыі будуць сюжэты, звязаныя з міжканфесійным супрацьстаяннем, царкоўна-дзяржаўным супрацьстаяннем у рэгіёне Цэнтральнай і Ўсходняй Еўропы, дзейнасці і становішчы цэркваў ва ўмовах Другой сусветнай вайны і Халоднай вайны, рэлігіі і яе інструменталізацыі ў украінскім канфлікце, канцэптуалізацыі і ідэалагізацыі гістарычнай памяці, звязанай з войнамі, сацыяльнаму вучэнню цэркваў датычна вайны і міра.

Прыняць удзел у Кангрэса можна ў якасці выступоўцы (для гэтага трэба прадставіць тэзісы памерам 2-4 тыс. знакаў) ці госця без даклада.  Можна таксама падаць заяўку на арганізацыю прэзентацыі навуковых, культурных, выдавецкіх праектаў, выставаў і г.д. Арганізацыйны камітэт вітае ўдзел у Кангрэсе журналістаў і прадстаўнікоў СМІ.

Падаць заяўку можна тут.

Дэдлайн падачы заявак — 18 мая 2015 года.

Кангрэс з’яўляецца самай прадстаўнічай беларускай штогадовай акадэмічнай і экспертнай падзеяй, у працы якога прымаюць удзел усе асноўныя інтэлектуальныя цэнтры даследавання грамадства, палітыкі  і культуры Беларусі. Акрамя гэтага, правядзенне Кангрэса ‘яўляецца выдатнай магчымасцю для распрацоўкі новых жыццяздольных даследчых і грамадскіх праектаў, абмену думкамі і ідэямі, усталявання нефармальных кантактаў з прадстаўнікамі экспертных і акадэмічных супольнасцяў Беларусі і другіх краін. 

Місія Кангрэса – развіццё супольнасці навукоўцаў, аналітыкаў і экспертаў, а таксама спрыянне больш глыбокаму разуменню Беларусі ў акадэмічных асяродках краіны, рэгіёну і свету.

Інфармацыя пра секцыю на ангельскай мове.