All posts by admin

Першая працоўная сустрэча беларускіх тэолагаў і царкоўных служыцеляў у замежжы: Цюбінген-2017.

З 2-га па 4-га чэрвеня ў Цюбінгене прайшла Першая працоўная сустрэча беларускіх тэолагаў і царкоўных служыцеляў у замежжы. Удзел у мерапрыемстве, мэтай якога было асабістае і прафесійнае знаёмства і наладжванне супрацоўніцтва, прынялі 12 чалавек з Аўстрыі, Беларусі, Бельгіі, Нямеччыны, ЗША і Францыі.

Удзельнікі каля дома ў гонар Адольфа Шлятэра (Schlatterhaus), дзе праходзіла мерапрыемства. Дом належыць Пратэстанцкай студэнцкай супольнасці.
Удзельнікі каля дома ў гонар Адольфа Шлятэра (Schlatterhaus), дзе праходзіла мерапрыемства. Дом належыць Пратэстанцкай студэнцкай супольнасці.

Па выніках сустрэчы было вырашана стварыць сетку супрацоўніцтва зацікаўленых багасловаў, царкоўных служыцеляў і актыўных хрысціян беларускага паходжання, якія пражываюць у Заходняй Еўропе і Амерыцы. Такая сетка стане платформай для супрацоўніцтва, узаемадапамогі, інфармацыйнай і інстытуцыйнай падтрымкі для саміх яе ўдзельнікаў, а таксама для тых беларускіх навукоўцаў і студэнтаў, якія плануюць працягваць сваё навучанне ці пашыраць свае даследаванні ў замежжы. Апроч таго, у межах сеткі супрацоўніцтва мяркуецца ажыццяўленне супольных міждысцыплінарных багаслоўскіх праектаў, звязаных з асэнсаваннем актуальных для Беларусі царкоўных і сацыяльных пытанняў, уключна з развіццём багаслоўскай секцыі Міжнароднага кангрэса даследчыкаў Беларусі, а таксама з інфармаваннем замежнай царкоўнай і свецкай аўдыторыі аб Беларусі, гісторыі развіцця хрысціянства і хрысціянскай думкі, а таксама аб актуальных царкоўных і грамадска-палітычных працэсах у краіне.

Удзельнікі сустрэчы калі ўваходу ў капліцу ў гонар св. Марыі Ягіпецкай (Берлінская епархія, Маскоўскі Патрыярхат), Цюбінген.
Удзельнікі сустрэчы калі ўваходу ў капліцу ў гонар св. Марыі Ягіпецкай (Берлінская епархія, Маскоўскі Патрыярхат), Цюбінген.

У нядзелю, на свята Пяцідзясятніцы, удзельнікі мерапрыемства правялі праваслаўнае богаслужэнне на царкоўна-славянскай, нямецкай і беларускай мовах: служылі, спявалі і маліліся разам з прыходам св. Марыі Ягіпецкай (Берлінская епархія, Маскоўскі Патрыярхат). Прыхажане з цеплынёй прывіталі беларускіх багасловаў і царкоўна-служыцеляў.

Богаслужэнне на свята Пяцідзясятніцы. Прапаведуе госць сустрэчы - святар Аляксандар Шрамко (Мінск).
Богаслужэнне на свята Пяцідзясятніцы. Прапаведуе госць сустрэчы — святар Аляксандар Шрамко (Мінск).

На першым этапе супрацоўніцтва на парадку дня стаіць стварэнне базы даных зацікаўленых асобаў, з апісаннем іх інстытуцыйнай заангажаванасці, тэматычных даследніцкіх інтарэсах, кампетэнцыях. Запрашаем патэнцыйных удзельнікаў сеткі кантактаваць з Наталляй Васілевіч (n@vasilevi.ch), а таксама далучацца ў фэйсбуку да суполкі “зБожжа: беларускія хрысціяне ў замежжы”.

Сустрэча прайшла ў доме ў гонар Адольфа Шлятэра ((Schlatterhaus), які належыць Пратэстанцкай студэнцкай супольнасці (ESG) пры арганізацыйнай падтрымцы Цэнтра “Экумена” і  пры фінансавай падтрымцы фонда Пратэстанцкай царквы ў Нямеччыне “Brot für die Welt”, які забяспечыў ўдзельнікам стыпендыі на пражыванне. Значная падрыхтоўчая праца на месцы была забяспечана дактаранткай Цюбінгенскага ўніверсітэта Ганнай Нётцел.

Справаздачу пра сустрэчу ад яе ўдзельніцы Маргарыты Тарайкевіч можна прачытаць на сайце “Беларускі партызан”.

Першая працоўная сустрэча беларускіх тэолагаў і царкоўных служыцеляў у замежжы адкрылася ў Цюбінгене

Сёння, 2 чэрвеня ў старажытным універсітэцкім горадзе Цюбінген, Нямеччына, адкрываецца Першая працоўная сустрэча беларускіх тэолагаў і царкоўных служыцеляў у замежжы, якая завершыцца служэннем Боскай літургіі Пяцідзясятніцы ў нядзелю.
Галоўная мэта сустрэчы — асабістае і прафесійнае знаёмства беларусаў, якія пражываюць за мяжой і займаюцца даследаваннямі ў галіне тэалогіі і іншых царкоўных дысцыплін, актыўна ўдзельнічаюць у жыцці царкоўных супольнасцей і дзейнасці хрысціянскіх арганізацый, абмен кантактамі і стварэнне сеткі па ўзаемападтрымцы і супрацоўніцтве, вызначэнне магчымых накірункаў такога супрацоўніцтва.
Сустрэча носіць міжканфесійны характар, удзел у ёй прымае адзінаццаць чалавек з Аўстрыі, Беларусі, Бельгіі, ЗША, Нямеччыны, Францыі. У пачатку тыдня некалькі ўдзельнікаў сустрэчы далучыліся да мерапрыемстваў, звязаных з візітам у ФРГ Яго Усесвятасці Усесвяцейшага Патрыярха Варфаламея, у тым ліку, ва ўрачыстасцях уручэння Першаіерарху ступені ганаровага доктара Універсітэта Цюбінгена, а таксама ў праваслаўна-пратэстанцкай кансультацыі Цюбінген-ІІ на тэму “Свабода: праваслаўны і пратэстанцкі погляд”.
З Патрыярхам Варфаламеем на ўрачыстасцях надання яму доктарскай ступені honoris causa. Доктар Яўгенія Даніловіч, Ганна Нётцел, Наталля Васілевч
З Патрыярхам Варфаламеем на ўрачыстасцях надання яму доктарскай ступені honoris causa. Доктар Яўгенія Даніловіч, Ганна Нётцел, Наталля Васілевч
Як адзначае арганізатарка сустрэчы Наталля Васілевіч, дактаранкта Бонскага ўніверсітэта (Rheinische Friedrich-Wilhelms-Universität Bonn):
Беларускія даследнікі за мяжой пераважна ўдзельнічаюць у індывідуальных навучальных і даследніцкіх праграмах, не атрымліваючы падтрымкі ні ад беларускай дзяржавы, ні ад сваіх царкоўных супольнасцяў з Беларусі. Таленавітыя, здольныя, натхнёныя — яны вымушаны разлічваць толькі на ўласныя сілы і рэсурсы. Супрацоўніцтва і ўзаемадапамога, на мой погляд, зробяць і ўсю нашую супольнасць, і кожнага з нас асабіста мацнейшымі ў сітуацыі рассеяння.
IMG_0836
Нефармальная вячэра перад пачаткам сустрэчы. Анастасія Вудэн, Наталля Васілевіч, Кацярына Кукс, Ганна Нётцел, доктар Яўгенія Даніловіч

 

 

 

 

 

 

Анастасія Вудэн, дактарантка і выкладчыца Каталіцкага ўніверсітэта Амерыкі (CUA, Washington DC):

Асаблівасць беларускай свядомасці — гэта сітуацыя памежжа. У беларускім сэрцы і розуме, у духоўным і штодзённым досведзе сустракаюцца, суіснуюць і дыялагізуюць акадэмічная багаслоўе і народная вера, Захад і Усход, праваслаўе, каталіцтва і Рэфармацыя. Пры гэтым, беларускія даследнікі ў замежжы жывуць у ізаляцыі адзін ад аднога, не ведаюць адзін аднога. Спадзяюся, што сустрэча ў Цюбінгіне дапаможа нам наладзіць кантакты і паразважаць разам з людзьмі з розных кантэкстаў, але адных каранёў.

Мерапрыемства адбываецца пры арганізацыйнай падтрымцы Цэнтра “Экумена”, а фонд Пратэстанцкай царквы ў Нямеччыне “Brot für die Welt” забяспечвае ўдзельнікам стыпендыі на пражыванне.

Міжнародны кангрэс даследнікаў Беларусі і Цэнтр “Экумена” запрашаюць да ўдзелу ў секцыі “Ecclesia semper reformanda est: Царква, рэформы і Рэфармацыя”

congressАргкамітэт Міжнароднага Кангрэса даследчыкаў Беларусі абвяшчае збор індывідуальных заявак для ўдзелу ў VII Кангрэсе, які адбудзецца 15-17 верасня 2017 года ў г. Варшава (Польшча).

У межах Кангрэсу пройдзе традыцыйная секцыя, прысвечаная тэалогіі і гісторыі Царквы. У 2017 годзе для секцыі была абраная тэма “Ecclesia semper reformanda est: Царква, рэформы і Рэфармацыя”. Каардынатар секцыі — тэолаг Наталля Васілевіч.

У 2017 годзе адзначаецца 500-годдзе Рэфармацыі, якая не толькі стала пачаткам утварэння новых хрысціянскіх канфесій з асаблівым багаслоўем, сацыяльна-палітычнай пазіцыяй і ладам жыцця, але таксама істотна паўплывала і на Рымскую, і на Усходнія цэрквы. Дыялог, супрацьстаянне і ўзаемны ўплыў розных канфесій у Беларусі сфармавалі асаблівы канфесійны профіль, як у гістарычнай перспектыве, так і ў сучаснасці. Міжканфесійная і міждысцыплінарная секцыя засяроддзіцца на развагах аб ролі Рэфармацыі для Беларусі і беларускага хрысціянства, аб асаблівасцях беларускага пратэстантызму, ягонай грамадскай і палітычнай ролі, актуальным стане і перспектывах развіцця. Апроч таго, яшчэ дзве нагоды: 100-годдзе з пачатку Сабору Рускай Царквы 1917-1918 года, які і стаў прыкладам інтэнсіўнай рэфлексіі аб рэформах, неабходных у русскім і сусветным праваслаўі, а таксама 55-годдзе з адкрыцця Другога Ватыканскага Сабору, які адкрыў новую эпоху ў жыцці Каталіцкай Царквы, — гэта нагода паразважаць аб Рэфармацыі ў больш шырокім міжканфесійным кантэксце. Якія рэформы неабходныя сёння ў багаслоўі, літургіі, сацыяльнай і пазіцыі цэркваў, іх адміністратыўнай структуры, іх самаразуменні? На якой падставе і якім чынам праводзіць гэтыя рэформы? Якая можа быць роля акадэміі, грамадзянскай супольнасці і экуменічнага супрацоўніц у гэтым працэсе? Ці можам мы наогул казаць у хрысціянскім кантэксце пра рэформы як пра нешта пазітыўнае?

 

Прыняць удзел у Кангрэса можна ў якасці выступоўцы (для гэтага трэба прадставіць тэзісы памерам 2-4 тыс. знакаў) ці госця без даклада.  Можна таксама падаць заяўку на арганізацыю прэзентацыі навуковых, культурных, выдавецкіх праектаў, выставаў і г.д. Арганізацыйны камітэт вітае ўдзел у Кангрэсе журналістаў і прадстаўнікоў СМІ.

Падаць заяўку можна тут. Даклады прымаюцца на беларускай, рускай, украінскай, польскай і ангельскай мовах.

Дэдлайн падачы заявак — 10 мая 2017 года.

Кангрэс з’яўляецца самай прадстаўнічай беларускай штогадовай акадэмічнай і экспертнай падзеяй, у працы якога прымаюць удзел усе асноўныя інтэлектуальныя цэнтры даследавання грамадства, палітыкі  і культуры Беларусі. Акрамя гэтага, правядзенне Кангрэса ‘яўляецца выдатнай магчымасцю для распрацоўкі новых жыццяздольных даследчых і грамадскіх праектаў, абмену думкамі і ідэямі, усталявання нефармальных кантактаў з прадстаўнікамі экспертных і акадэмічных супольнасцяў Беларусі і другіх краін.  

Місія Кангрэса – развіццё супольнасці навукоўцаў, аналітыкаў і экспертаў, а таксама спрыянне больш глыбокаму разуменню Беларусі ў акадэмічных асяродках краіны, рэгіёну і свету.

Першыя шэсць кангрэсаў прайшлі ў г. Коўна (Літва), з 2017 году месцам правядзення Кангрэсу абраная Варшава (Польшча). Пачынаючы з 2011 года Цэнтр “Экумена” ўдзельнічае ў арганізацыі багаслоўскай тэматычнай панэлі кангрэсу. 

 

ПРЭЗЕНТАЦЫЯ БЕЛАРУСКАГА ПЕРАКЛАДУ КНІГІ “ЯК НАВУЧЫЦЦА МАЛІТВЕ” МІТРАПАЛІТА АНТОНІЯ СУРАЖСКАГА

vokladka_granatУ нядзелю 12 лютага а 10-30 у Свята-Міхайлаўскім прыходзе па адрасе: Мінск, вул. Янкоўскага, 2 (Сухарава) адбудзецца прэзентацыя кнігі “Як навучыцца малітве” Мітрапаліта Антонія Суражскага ў перакладзе на беларускую мову. Прэзентацыя адбудзецца пасля заканчэння Боскай літургіі на беларускай мове. Пачатак літургіі а 9-00 у царкве ў гонар св. Ксеніі Пецярбугскай.
Чытаць далей

АНТОНІЙ, МІТРАПАЛІТ СУРАЖСКІ. ЯК НАВУЧЫЦЦА МАЛІТВЕ. — ЦЭНТР “ЭКУМЕНА”, ФОНД “ДУХОЎНАЯ СПАДЧЫНА МІТРАПАЛІТА СУРАЖСКАГА АНТОНІЯ”, МН., 2017. — 88 С.

vokladka_granat…малітва – гэта зносіны, сустрэча, шлях, праз які мы злучаемся з Жывым Богам

— Мітрапаліт Антоній Суражскі

У Мінску выйшла падрыхтаваная Цэнтрам “Экумена” кніга Мітрапаліта Антонія Суражскага “Як навучыцца малітве” ў перакладзе на беларускую мову.

Чытаць далей

Прэзентацыя беларускага перакладу кнігі мітрапаліта Антонія Суражскага «Як навучыцца малітве» прайшла ў Мінску

Прэзентацыя новай кнігі Цэнтра “Экумена” — беларускага перакладу кнігі Мітрапаліта Антонія Суражскага «Як навучыцца малітве» — прайшла ў Мінску 27 траўня ў межах фестывалю “Памежжа”. Падзея адбылася ў галерэі «Інстытут культуры».

Гэта ўжо другое выданне, перакладзеная камандай Цэнтра “Экумена”. Калі першая кніга «Быць хрысціянінам» была перакладам адпаведнага зборніку з рускай мовы, то новая кніга — пераклад з англійскай, які выканалі Наталля Васілевіч, Марына Каліноўская, Алеся Медушэўская. Вокладку зрабіла Юлія Янюк-Казлоўская, якая спявае ў  грэка-каталіцкім хоры «Прасфара». Гэты хор выканаў на імпрэзе некалькі кантаў.

Раман Абрамчук, які ўдзельнічаў у камандзе перакладчыкаў папярэдняй кнігі, правёў экскурсію па экспазіцыі, прысвечанай жыццю і творчасці Мітрапаліта Антонія. Перад наведнікамі выступілі Ганна Міхальчук, якая ў той жа камандзе перакладала першую кнігу і была адным з рэдактараў новай, а таксама Марына Каліноўская, адна з перакладчыц прэзентаванай кнігі «Як навучыцца малітве».

У хуткім часу кніга будзе даступная для шырокага кола чытачоў.

Чытайце таксама: “У Мінску прадставілі пераклад кнігі мітрапаліта Суражскага на беларускую мову“, газета “Новы час”, 29.05. 2016.

International Congress of Belarusian Studies and Centre Ecumena invite to participate in the thematic panel “Church Councils: context, authority, polemics, reception”

congressOrganising Committee of the International Congress of Belarusian Studies announces a call for individual applications for the 6th Congress, which will take place on 6-9 October 2016 in Kaunas, Lithuania.

Traditional panel on theology and history of church will take place in the framework of the Congress. In 2016 it will be dedicated to the following topic: “Church Councils: context, authority, polemics, reception”. Coordinators of the panel: Natallia Vasilevich, Dzmitry Shyla.

Description of the panel:

June 2016 is marked by the convention of the Holy and Great Synod of the Orthodox Church, which shall gather representative of all local Orthodox Churches all around the globe to discuss issues of inter-ecclesiastic life as well as the role of the Church in the contemporary world. This historic event has been preparing for almost a century, and Belarusian hierarchs and theologians also took part in pre-conciliar process (for example, Bishop Aliaksei of Hrodna (Hramadzki), archpriest Vital Baravoi, Metropolitans of Minsk Nikodim and Filaret). Another Synod to be in focus in 2016 is so called Lviv Synod of 1946, which has abolished Ukrainian Greek-Catholic Church unifying it with the Russian Orthodox Church. These two important dates were selected as focus-points to reflect on the role of synods and synodality or conciliarity in the Church’s life. In particularly, the interdisciplinary and inter-confessional section of the Congress will deal with the following issues: history of synods, their agenda, ideas and documents; geopolitical, socio-political, ecumenical and inter-Orthodox context of the synods; reception of the synods and their decision for the Church in general and Belarusian Churches in particular.

You can participate in the Congress as a speaker (in this case you need to submit an abstract of your paper 2-4 thousand characters long) or a guest without a paper. You can also apply for presentation of academic and cultural projects, publications, exhibitions etc. Journalists and media representatives are encouraged to participate in the event.

Please follow the link to choose a registration form.

Application deadline is 20 May 2016.

The congress is the most representative annual academic and expert event of Belarus. It gathers all main intellectual centres, which study Belarusian politics, society and culture. Besides, the congress presents a fine opportunity to develop new viable research and civil projects, exchange opinions and ideas, establish informal contacts with experts and academics from Belarus and other countries.

Mission of the Congress is to develop a community of scholars, analysts and experts, and to promote a deeper understanding of Belarus in academic and civil communities of the country, region and world.

Information in Belarusian language.